Cinema

ആദ്യ കൺമണിക്ക് ജന്മം നൽകി സാമന്ത; ആൺകുഞ്ഞിനെ വരവേറ്റ് സാമന്തയും രാജ് നിഡിമോരുവും, സന്തോഷം പങ്കുവെച്ച് താരദമ്പതികൾ!

പ്രേക്ഷകരുടെ പ്രിയതാരം സാമന്ത റൂത്ത് പ്രഭുവിനും പ്രശസ്‌ത സംവിധായകൻ രാജ് നിഡിമോരുവിനും ആദ്യത്തെ കൺമണി പിറന്നു. നവംബർ 19നാണ് ദമ്പതിമാർക്ക് ആൺകുഞ്ഞ് ജനിച്ചത്. തങ്ങളുടെ ജീവിതത്തിലെ ഏറ്റവും വലിയ സന്തോഷവാർത്ത സാമന്ത തന്നെയാണ് ഇൻസ്റ്റാഗ്രാമിലൂടെ ആരാധകരെ അറിയിച്ചത്. കുഞ്ഞിന് ‘ദേവ് നിഡിമോരു’ എന്നാണ് പേരിട്ടിരിക്കുന്നത്.

ഞങ്ങളുടെ സുന്ദരനായ ആൺകുഞ്ഞ്, ദേവ് നിഡിമോരു. ഞങ്ങളുടെ ഹൃദയം ഇത്രയധികം സന്തോഷം അനുഭവിച്ച മറ്റൊരു നിമിഷമില്ല” എന്ന ഹൃദയസ്‌പർശിയായ കുറിപ്പിനൊപ്പമാണ് സാമന്ത സന്തോഷം പങ്കുവച്ചിരിക്കുന്നത്. മാതാപിതാക്കളുടെ കൈകൾക്കുള്ളിൽ കുഞ്ഞിന്റെ കൈകൾ ചേർത്തുപിടിച്ചിരിക്കുന്ന മനോഹരമായ ചിത്രവും താരം പോസ്റ്റ് ചെയ്‌തിട്ടുണ്ട്.

സാമന്തയുടെ പോസ്റ്റ് പുറത്തുവന്നതിന് പിന്നാലെ സിനിമാ ലോകത്ത് നിന്നും ആരാധകരിൽ നിന്നും ആശംസകളുടെ പ്രവാഹമാണ് കമന്റായി വന്നുകൊണ്ടിരിക്കുന്നത്. തമന്ന ഭാട്ടിയ, വരുൺ ധവാൻ, രാകുൽ പ്രീത് സിംഗ്, അനന്യ പാണ്ഡെ തുടങ്ങി നിരവധി താരങ്ങൾ ദമ്പതികൾക്ക് ആശംസകളുമായി എത്തി. ‘ദി ഫാമിലി മാൻ 2’, ‘സിറ്റാഡൽ: ഹണി ബണ്ണി’ എന്നീ പ്രോജക്റ്റുകളിൽ ഒരുമിച്ച് പ്രവർത്തിച്ച സാമന്തയും രാജും 2025 ഡിസംബറിലാണ് വിവാഹിതരായത്.

Related Articles

Leave a Reply

Your email address will not be published. Required fields are marked *

Back to top button