‘ജയിലർ 2’ റിലീസ് തീയതി പ്രഖ്യാപിച്ചു; നവരാത്രിക്ക് തിയറ്ററുകളിൽ എത്തും Rajinikanth
ചെന്നൈ: തമിഴ് സിനിമാപ്രേമികൾ ആകാംക്ഷയോടെ കാത്തിരിക്കുന്ന Jailer 2ന്റെ റിലീസ് തീയതി പ്രഖ്യാപിച്ചു. നവരാത്രി റിലീസായി ഒക്ടോബർ 15ന് ചിത്രം ലോകമെമ്പാടുമുള്ള തിയറ്ററുകളിൽ എത്തുമെന്ന് നിർമാതാക്കളായ Sun Pictures അറിയിച്ചു.
ആദ്യം ജൂൺ 12ന് ചിത്രം റിലീസ് ചെയ്യുമെന്നായിരുന്നു പ്രതീക്ഷ. എന്നാൽ അതിഥിതാരങ്ങളുടേതടക്കമുള്ള ചില ഭാഗങ്ങളുടെ ചിത്രീകരണം പൂർത്തിയാകാത്തതിനാൽ റിലീസ് നീളുകയായിരുന്നു.
Mohanlal, Shiva Rajkumar എന്നിവർ രണ്ടാം ഭാഗത്തിലും അതിഥിവേഷങ്ങളിൽ എത്തുന്നുണ്ട്. കൂടാതെ ആദ്യ ഭാഗത്തിൽ ഇല്ലാതിരുന്ന Vijay Sethupathi, Mithun Chakraborty എന്നിവരും ഗസ്റ്റ് റോളുകളിൽ പ്രത്യക്ഷപ്പെടും. ആദ്യ ഭാഗത്തിലെ വില്ലനായ Vinayakan ഫ്ലാഷ്ബാക്ക് രംഗങ്ങളിലൂടെ എത്തുമെന്നാണ് റിപ്പോർട്ട്.
ടീസറിനൊപ്പമാണ് റിലീസ് തീയതി പ്രഖ്യാപിച്ചത്. ടീസറിൽ സുരാജ് വെഞ്ഞാറമൂട്, സുജിത് ശങ്കർ, Ramya Krishnan എന്നിവരെയും കാണാം. Rajinikanthന്റെ ലോംഗ് ഷോട്ടും ടീസറിലെ ശ്രദ്ധേയ ഭാഗമാണ്.
അതേസമയം തമിഴ് സിനിമയിൽ നിന്നുള്ള മറ്റൊരു പ്രധാന ചിത്രം കൂടിയും നവരാത്രി റിലീസായി എത്തുന്നുണ്ട്. Dhanush നായകനായി എത്തുന്ന ‘ഓം’ ഒക്ടോബർ 16ന് തിയറ്ററുകളിൽ എത്തും. Mammoottyയും ചിത്രത്തിൽ നിർണായക കഥാപാത്രത്തെ അവതരിപ്പിക്കുന്നുണ്ട്.
ഇതോടെ, മലയാളികളുടെ പ്രിയതാരങ്ങളായ Mohanlalയും Mammoottyയും അഭിനയിക്കുന്ന രണ്ട് വമ്പൻ ചിത്രങ്ങൾ ഒരു ദിവസത്തെ വ്യത്യാസത്തിൽ റിലീസ് ചെയ്യുന്നത് സിനിമാപ്രേമികൾക്കിടയിൽ വലിയ കൗതുകമുണർത്തുകയാണ്.
