മലയാളത്തിലെ ആദ്യ ഹൈബ്രിഡ് ത്രീഡി ചിത്രമായ ലൗലി മെയ് 16ന് തിയറ്ററുകളിൽ എത്തും. ഒരു ഈച്ച നായികയായി എത്തുന്നു എന്ന കൗതുകകരമായ പ്രമേയവുമായി എത്തുന്ന ചിത്രത്തിനായി ആരാധകർ കാത്തിരിക്കുകയാണ്. സാൾട്ട് ആൻഡ് പെപ്പെർ, ടാ തടിയാ, ഇടുക്കി ഗോൾഡ്, മായാനദി എന്നീ സൂപ്പർഹിറ്റ്‌ സിനിമകളുടെ തിരക്കഥാകൃത്തായ ദിലീഷ് കരുണാകരന്‍ ആണ് സംവിധാനം. സൂപ്പർ ഹിറ്റ്‌ സംവിധായകനായ ആഷിഖ് അബുവിന്റെ ഛായാഗ്രഹണത്തിലൂടെ ഒരുങ്ങുന്ന ചിത്രം കൂടിയാണ് “ലൗലി”.
മെയ് 16ന് പ്രദര്‍ശനത്തിനെത്തുന്ന ഈ ചിത്രത്തില്‍ യുവതാരം മാത്യു തോമസിനൊപ്പം ഒരു അനിമേഷന്‍ ഈച്ചയും നായികയായി പ്രത്യക്ഷപ്പെടുന്നു. പ്രശസ്ത പിന്നണിഗായികയും നടിയുമായ ശിവാങ്കി കൃഷ്ണകുമാര്‍ ആണ് ലൗലിക്ക് ശബ്ദം പകര്‍ന്നിരിക്കുന്നത്. അശ്വതി മനോഹരന്‍, ഉണ്ണിമായ,മനോജ് കെ ജയന്‍,ബാബു രാജ്, ഡോക്ടര്‍ അമര്‍ രാമചന്ദ്രന്‍, അരുണ്‍,ആഷ്ലി, പ്രശാന്ത് മുരളി, ഗംഗ മീര,കെ പി ഏ സി ലീല എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
നേനി എന്റര്‍ടൈന്‍മെന്റ് സ് പ്രൈവറ്റ് ലിമിറ്റഡ്, വെസ്റ്റന്‍ഘട്‌സ് പ്രൊഡക്ഷന്‍സ് എന്നി ബാനറില്‍ ഡോക്ടര്‍ അമര്‍ രാമചന്ദ്രന്‍ ശരണ്യ ദിലീഷ് എന്നിവര്‍ ചേര്‍ന്ന് നിര്‍മിക്കുന്ന ‘ ലൗലി ‘ വിസ്മയ കാഴ്ചളുമായി പ്രേക്ഷകരുടെ മുന്നിലെത്തുന്നത്. സുഹൈല്‍ കോയ എഴുതിയ വരികള്‍ക്ക് വിഷ്ണു വിജയ് സംഗീതം പകരുന്നു. എഡിറ്റര്‍-കിരണ്‍ദാസ്. കോ പ്രൊഡ്യൂസര്‍ പ്രമോദ് ജി ഗോപാല്‍. പ്രൊഡക്ഷന്‍ കണ്‍ട്രോളര്‍-കിഷോര്‍ പുറക്കാട്ടിരി, പ്രൊഡക്ഷന്‍ ഡിസൈനര്‍ ജ്യോതിഷ് ശങ്കര്‍.
മേക്കപ്പ് റോണക്സ് സേവ്യര്‍, കോസ്റ്റ്യൂം ഡിസൈനര്‍ ദീപ്തി അനുരാഗ്, ആര്‍ട്ട് ഡയറക്ടര്‍ കൃപേഷ് അയ്യപ്പന്‍കുട്ടി, ചീഫ് അസോസ്സിയേറ്റ് ഡയറക്ടര്‍ ഹരീഷ് തെക്കേപ്പാട്ട്, അസോസിയേറ്റ് ഡയറക്ടര്‍ സന്ദീപ്, അസിസ്റ്റന്റ് ഡയറക്ടര്‍ അലന്‍,ആല്‍ബിന്‍, സൂരജ്,ബേയ്‌സില്‍, ജെഫിന്‍, ഫിനാന്‍സ് കണ്‍ട്രോളര്‍ ജോബീഷ് ആന്റണി, വിഷ്വല്‍ എഫക്റ്റ്‌സ് വിടിഎഫ് സ്റ്റുഡിയോ, സൗണ്ട് ഡിസൈന്‍-നിക്‌സന്‍ ജോര്‍ജ്ജ്, ആക്ഷന്‍ കലൈ കിംഗ്‌സണ്‍, പരസ്യക്കല-യെല്ലൊ ടൂത്ത്‌സ്, സ്റ്റില്‍സ് ആര്‍ റോഷന്‍, പ്രൊഡക്ഷന്‍ എക്‌സിക്യൂട്ടീവ്-ബിജു കടവൂര്‍, പ്രൊഡക്ഷന്‍ മാനേജര്‍-വിമല്‍ വിജയ്,പി ആര്‍ ഒ- എ എസ് ദിനേശ്. ആതിര ദില്‍ജിത്, ഡിജിറ്റല്‍ മാര്‍ക്കറ്റിംഗ് ഒബ്‌സ്‌ക്യൂറ എന്നിവരാണ് മറ്റ് അണിയറ പ്രവര്‍ത്തകര്‍.
