ഇന്ത്യയില്‍ ജനപ്രീതിയില്‍ ഒന്നാമതുള്ള നായികാ താരം സാമന്ത. ബോളിവുഡ് നടി ആലിയ ഭട്ടിനെ തെന്നിന്ത്യന്‍ നടി വീണ്ടും മറികടന്നു എന്നതാണ് കൗതുകം. ഓര്‍മാക്‌സ് മീഡിയയാണ് പട്ടിക പുറത്തുവിട്ടത്. മാര്‍ച്ച് മാസത്തെ പട്ടികയാണ് പുറത്തുവിട്ടത്.
ആലിയ ഭട്ട് രണ്ടാമത് എത്തിയപ്പോള്‍ ബോളിവുഡിലെ മുന്‍നിര നടി ദീപിക പദുക്കോണ്‍ മൂന്നാം സ്ഥാനത്തും എത്തിനില്‍ക്കുന്നു. സിനിമകളില്‍ നിരന്തരം ഭാഗമാകുന്നതാണ് ബോളിവുഡ് താരത്തെ മുന്നിലെത്തിച്ചത്. സാമൂഹ്യ മാധ്യമങ്ങളിലും നിറഞ്ഞുനില്‍ക്കാന്‍ ബോളിവുഡ് താരത്തിന് സാധിക്കുന്നുണ്ട്. ഏറ്റവും പ്രതിഫലം വാങ്ങിക്കുന്ന ഇന്ത്യന്‍ താരങ്ങളില്‍ ഒരാളുമാണ് നടി ദീപിക പദുക്കോണ്‍.
നായികമാരുടെ പട്ടികയില്‍ ആറാം സ്ഥാനത്തെ താരം ഒരു അത്ഭുതമാണ്. മലയാളികളുടെയും പ്രിയപ്പെട്ട സായ് പല്ലവിയാണ് താരങ്ങളില്‍ നാലാമതുള്ളത്. തുടര്‍ച്ചയായി ഹിറ്റുകളുടെ ഭാഗമാകുന്നതാണ് നായിക താരങ്ങളില്‍ മുന്നിലെത്താന്‍ സായ് പല്ലവിയെയും സഹായിച്ചത്. രാജ്യമൊട്ടാകെ ശ്രദ്ധയാകര്‍ഷിച്ച തമിഴ് ഭാഷാ ചിത്രം അമരനില്‍ സായ് പല്ലവിയായിരുന്നു നായിക. കമല്‍ഹാസന്‍ ആയിരുന്നു ചിത്രം നിര്‍മിച്ചത്. ശിവകാര്‍ത്തികേയനായിരുന്നു അമരനില്‍ നായകനായി എത്തിയത്. ചിത്രം ആഗോള കളക്ഷനില്‍ 300 കോടി ക്ലബില്‍ എത്തുകയും ചെയ്തിരുന്നു. തുടര്‍ന്ന് സായ് പല്ലവി നായികയായ തെലുങ്ക് ചിത്രം തണ്ടേലും വന്‍ ഹിറ്റായി മാറിയിരുന്നു. നാഗചൈതന്യ നായകനായ ചിത്രം 100 കോടി ക്ലബിലെത്തിയിരുന്നു.
നാലാമതുള്ള നായിക കാജല്‍ അഗര്‍വാളാണ്. തൊട്ടുപിന്നില്‍ രശ്മിക മന്ദാനയാണ് ഉള്ളത്. ഏഴാം സ്ഥാനത്ത് അജിത് കുമാര്‍ ചിത്രത്തില്‍ നായികയായി റിപ്പോര്‍ട്ടുകളില്‍ നിറഞ്ഞുനിന്ന തൃഷയും ഇടംനേടി എന്നാണ് റിപ്പോര്‍ട്ട്. തുടര്‍ന്നുള്ള സ്ഥാനങ്ങളില്‍ നയന്‍താരയും തെന്നിന്ത്യന്‍ താരമായ അനുഷ്‌ക ഷെട്ടിയും കത്രീന കൈഫും ഇടംനേടി എന്നാണ് ഓര്‍മാക്‌സ് മീഡിയ പുറത്തുവിട്ട മാര്‍ച്ച് മാസത്തെ പട്ടികയില്‍ നിന്ന് വ്യക്തമാകുന്നത്.
